ÓRÍKÌ ÌLÚ Ọ̀YÁN

Ìyẹ̀rú Ọ̀yán; mo fínrà mo jàre

Ọmọ a bí l’Ọ́yàn án ,ọmọ a pègbè pọ̀

Ọmọ a ṣe gbẹ́dẹ́ relé ọba

Àjàlú pòrògòdò l’Ọ́yàn

Ọmọ Ọlọ́yàn ẹgbẹ̀rún Agbe

Ọmọ Ọlọ́yàn ẹgbẹ̀rún Àlùkò

À t’Agbe,a t’Àlùkò

Ní í bẹ nígbèrí ẹ̀gún nibi t’ómi ń sun s’Áyaba lẹ́nu

Ògèré wá jẹun ò dénú

Ògèré dá là l’Ọ́yàn

Ẹ jẹ́ k’Ólóunjẹ máa mú oùnjẹ rẹ jẹ

Ọ̀yún sì po o

Jẹ́ k’Ólóúnjẹ má a mú oúnjẹ rẹ jẹ

Ọ̀yún sì mẹ́rẹ́

Mo mẹ́rú piyamọ, mo fàlàlà joyè mọ̀jẹ̀

Níjọ́ ọ̀run ń yaábọ̀ lẹ́yìnkùlé ọba

Ní jọ́ ọ̀run n yaábọ̀ l’Ájàṣẹ́ ilé

Ọlọ́ya ń ki Ọya lóde ìsálúpo

Oní pẹ̀là ń ki pẹ̀là l’Ọyàn

Alágídí ti m’ágídí rẹ̀ so

Ọ̀yán ò gbudọ̀ jẹ̀bi ọ̀rọ̀

Torí ọgbọ́n yí wọn nínú po

Ǹlẹ́ ọmọ a bí l’Ọ́yàn án ọmọ a pègbèpọ̀